5 hotelet më luksoze në Berlin

Berlini është padyshim një prej qyteteve më magjepsëse të Europës, i cili ka ndërthurur në mënyrë harmonike antiken me modernen. Ai ofron një mori vendesh për të vizituar, të cilat tërheqin vizitorë të rinj por edhe të moshuar, pjesa më e madhe e të cilëve bien në dashuri me këtë qytet dhe kthehen sërish. Hotelet janë një faktor tjetër mjaft tërheqës për një numër të madh turistësh, ku pesë prej hoteleve më të shtrenjtë renditen si më poshtë:

#1 Hotel Zoo Berlin

Ky hotel daton që prej 1981, ku asokohe shërbente si një rezidencë luksose për familjet më me influencë të vendit. Në 1911 ai u shndërrua në një hotel VIP, për të gjithë personat e famshëm të asaj kohe, p.sh.: të gjithë aktorët më të famshëm gjatë Festivalit Ndërkombëtar të Berlinit shkonin aty. Më vonë, ky hotel u rikonstruktua nga arkitektja Dayna Lee, e cila u kujdes që të ruante çdo element që e lidhte këtë hotel më të kaluarën. Me një kapacitet prej 100 personash dhe me një pamje mbresëlënëse në çati, ai  është një prej hoteleve më të shtrenjtë në kryeqytetin gjerman.

#2 Soho House Berlin

Si shumë prej godinave historike në Berlin, edhe e kaluara e Soho House është shumë e komplikuar. E dizenjuar sipas stilit Neue Sachlichkeit, nga arkitekti Georg Bauer dhe Siegfried Friedlander, ajo u bë funksionale në fund të viteve 1920 dhe njihej si kompania e Jonass & Co, e cila kishte edhe një restorant gjigant në tarracën e saj. Në ditët e sotme ajo shërben si një prej hoteleve më luksoze në vend, me një numër prej 65 dhomash, 20 hyrjesh rezidenciale, një restoranti superluksoz, palestra, pishinë në tarracë dhe pa diskutim shërbim 24 orë.

#3 Grand Hyatt Berlin

Hoteli luksoz me 5 yje, Grand Hyatt ndodhet në pjesën e re të qytetit në qendër të qytetit në Postdamer Platz. Duke qenë se ndodhet në zemër të kryeqytetit, ai është ideal për takime të rëndësishme biznesi dhe për organizime eventesh të ndryshme. Me 342 dhoma ku reflektohet shumë bukur arti bashkëkohor dhe komoditeti maksimal në çdo detaj, ky hotel mbetet si zgjedhja e parë për shumë turistë Ky hotel pasohet nga Schlosshotel Grunewald dhe Hotel de Rome, të cilët janë ndër 5 hotelet më të shtrenjtë në Berlin.