Teksa emertimi i sportit më popullor në botë “soccer” shihet si një simbol i injorancës amerikane, arsyeja pse nuk e quajnë “futboll” si pjesa tjetër e botës është në fakt faji i Britanisë. Fjala “soccer” është një shpikje britanike të cilën populli britanik ndaloi së përdoruri vetëm rreth 30 vite më parë, sipas një shkrimi të ri të profesorit të Michigan Stefan Szymanski.

Fjala “soccer” vjen nga përdorimi i termit “association football” (shoqata e futbollit) në Britani dhe është 200 vjet e vjetër. Në fillim të viteve 1800, një grup universitetesh britanike morën “futbollin” – një lojë mesjetare – dhe filluan ta quanin në versionin e tyre, e gjithë kjo nën disa rregulla të tjera. Për të krijuar një standard të ri nëpër të gjithë vendin, këto lojëra u kategorizuan nën disa organizime të ndryshme me emra të ndryshëm.

Një variant i lojës luhej me dorë, ai u quajt “rugby football” (futboll regbi). Një tjetër variant u bë i njohur si “association football” pasi Federata e Futbollit u formua për të promovuar lojën në vitin 1863, 15 vite më vonë rregullorja u shkrua në Cambridge. “Rugby Football” u kthye në “rugger” për shkurt. “Association football” u bë “soccer”.

Pasi këto dy sporte u përhapën edhe matanë Atlantikut, amerikanët shpikën variantin e tyre të lojës të cilin e quajtën thjesht “football” në fillim të viteve 1990. “Association Football” u bë “soccer” në Amerikë, dhe ajo që quhej “gridiron” (fushë futbolli amerikan) në Britani u quajt thjesht “football” në Amerikë. Gjëja interesante këtu është se britanikët vazhduan ta quanin futbollin “soccer” rregullisht për një pjesë të madhe të shekullit të 20-të. midis 1960 dhe 1980, “soccer” dhe “futboll” ishin pothuajse të këmbyeshëm në Britani, zbulon Szymanski.

Më pas gjithçka ndryshoi, sipas Szymanskit: “Që prej vitit 1980 përdorimi i fjalës “soccer” është zhdukur gradualisht në publikimet britanike, dhe aty ku përdoret, zakonisht i referohet një konteksti amerikan. Zhdukja graduale mesa duket është një reagim kundër rritjes së përdorimit të fjalës në Shtetet e Bashkuara e cila duket se ishte e lidhur me kulmin e NASL (North American Soccer League) rreth 1980.” Populli britanik ndali së përdoruri fjalën “soccer” për shkak të domethënies amerikane.