Me çfarë e kalon kohën Sala?

Sali Berisha, në një koment të tij në rrjetet sociale, ku shkruan se “1500 fishohet siperfaqja e droges ne Shqiperi!”, ka paraqitur një montazh, ku koka e kryeministrit Edi Rama duket në mes të marijuanës së lulëzuar.

Ai ka bërë montazh edhe duke vënë kokën e ministrit Tahiri te një person i cili po mbledh marijuanë me lopatë.

Por komentuesit e kanë kapur menjëherë gafën.

Dikush i shkruan se personi i vërtetë pa montazh është adhuriesi i tij më i madh.

Në fakt, fotoja origjinale, sikurse mund të shihni më poshtë, i përket Arkimed Lushajt, djalit të ish-truprojës së Berishës Sali Lushaj, i njohur në art me nofkën Stresi.

Sidoqoftë, Berisha shkruan se “Raportet nderkombetare shpallin Shqiperine ‘Kanabistan’!!”.

“Te dasdhur miq, sipas raporteve nderkombetare tronditese, Shqiperia nga treqind hektare kanabis te mbjellur ne vitin 2013 ne Lazarat, sot ka te mbjellur nje siperfaqe 1500 here me te madhe apo 15.8% te te gjithe siperfaqes se vendit apo ne 4500 km katror. Kjo perben nje katastrofe te vertet kombetare te Edvin Shullazit dhe Saje qorrit, qe do kete nje çmim te jashtezakonshem per kombin shqiptar!”, – ka qenë komenti i ish-kryeministrit.