Hungari, arkeologët bien në gjurmë të varrit të Sulejmanit të Madhërishëm

Kërkuesit turq dhe hungarezë mendojnë se kanë gjetur në qytetin Szigetvar varrin e Sulejmanit të Madhërishëm,  sulltanit osman që vdiq aty në shtator të vitit 1566. Sulejmani, i cili përfaqëson kulmin e Perandorisë Osmane dhe sundoi në vitet 1522-1566 vdiq nga shkaqe natyrale në qytetin hungarez, në moshën 72 vjeç dhe pak orë pasi forcat osmane ta merrnin atë. Fitorja ishte me shumë humbje edhe për osmanët që u detyruan të braktisin idenë e rrethimit dhe sulmit mbi Vjenë. Duke patur frikë nga reagimi i ushtarëve, rrethi i afërt i Sulejmanit e mbajti të fshehtë vdekjen dhe po në mënyrë të fshehtë transportuan trupin për në Stamboll.

Legjenda thotë se zemra dhe organe të tjera u lanë në qytetin hungtarez në një enë të artë, meqenëse ishte kohë e nxehtë dhe rruga e gjatë. Osmanët ndërtuan një tempull bashkë me një xhami, ku nisën të vijnë pelegrinë dhe të ndërtohen shtëpi. Vendi mori emrin Turbek, që rrjedh nga turbe-varr, por ndërtesat në të u rrafshuan në vitin 1680 kur Habsburgët rimorën Szigetvarin. Ajo çfarë mbetet prej tyre doli në dritë nga gërmimet arkeologjike në vitin 2014, çka nga banorët shihet si shpresë për turizmin. /Respublica

http://www.aljazeera.com/indepth/features/2016/08/hungary-unearthing-sul…