Pas heqjes së tëmthit ‘I është shtuar hidhësia Avokatit!!!”

Avokat Spartak Ngjela vazhdon betejën online.

Edhe pse ka pak kohë që është operatuar, Ngjela nuk ndalet në betejën e tij ndaj atyre që i quan të korruptuar.

“I gjithë tabori korruptive i Saliut, i trembur nga Reforma në Drejtësi, është hedhur në sulm për ashashin, dhe po dëgjojmë të thone se për këtë çeshtje nuk flet Donald Lu, madje as Vllahutin.

Mendjet kriminale, kur janë pranë kapjes, bëhen si mendje fëmijësh; sepse kalojnë nga një criminal mind, në një childish mind. Këtë na i thotë kriminalogjia moderne.

Pyetja eshte: a ka kanabis në Shqipëri? Sigurisht që ka shumë. Por si zgjidhet kjo çeshtje?

Ajo ka vetëm një zgjidhje: Reforma në Drejtësi. Çdo rrugë tjetër, mbytet nga ashashi. Ashashi sigurisht që blen prokurorët, policët dhe gjyqtarët. Atëherë, kujt ia thotë mendja fëminorë këto? Të gjithë tallen. Dhe e dini pse, se FBI kur ta hetojë ashashin; korrupsionin; paratë e pista; do gjendet ndër to edhe tabori i afërt i Saliut.

Pse po e presin Reformën saliasit me kaqë shumë frikë? Por, se frika i ka çuar te fëmija.

Kurse une ngulmoj kur them:

Përfundimisht, ne shqiptarët sot kemi vetëm një shpresë: Reformën në Drejtësi. Sepse, të emëruarit si hetursë, prokurorë dhe gjyqtarë nga reforma, nuk i paguan dot krimi: ja, ky është sekreti që tremb sot krimin e organizuar në Shqipëri. Kush nuk pranon Reformën, është i prekur nga krimi i organizuar. Kjo është logjika e faktit aktual. Kurse Reformën shqiptare po e drejton me sukses politika amerikane.

Vërtet mendoni ju se katër gazeta injorante dhe disa portale fëminorë, do mundin politikën amerikane në Shqipëri?

Mos shpresoni: Reforma do bëhet. Madje implementimi i saj do të fillojë shumë shpejt. Mendoni për mbrojtjen tuaj!

Kurse të gjithë shqiptarët e tjerë, të presin me optimizëm ofensivën reale kundër krimit të organizuar në Shqipëri…”, shkruan Ngjela në FB.

Kurse Ylli Dylgjeri i është përgjigjur shpërthimeve të Ngjelës me një batutë.

Avokatit i kane shtuar helmin!

“Sapo lexova shkrimin e Av. Spartak Ngjeles “Mendjet kriminale, kur janë pranë arrestimit, bëhen si mendje fëmijësh” … therrita: O doktore te Hygeas, O njerez te perendise, kur operuat Avokatin i hoqet temthin apo i vute dhe nje temth tjeter. Shikoni shkrimin. I eshte shtuar hidhesia Avokatit!!!”