Kisha aq dhimbje sa nuk mbaja dot veten

Atletja shqiptare e ka mbyllur garën e saj të 1500 m me pengesa në vend të 32-të, pasi kavilja e dëmtuar nuk e lejoi të realizonte një garë më të mirë. Lojërat e para olimpike për rekordmenen shqiptare, u mbyllën këtu. Ajo ka shkruar një mesazh për të gjithë ndjekësit menjëherë pas përfundimit të garës, me përulësinë dhe modestinë që e karakterizon.

“E di qe ndoshta shume prej jush jane zhgenjyer, por me besoni kisha dhimbje shume te madhe kur kaloja pengesat sidomos ate te ujit, saqe nuk mbaja dot veten time me kemben e vrare dhe fillova te bija me te dyja kembet, thjesht luftova vetem per mos te lene garen sepse se kam lene kurre gjer me sot dhe sido qe te jem s’ka per te ndodh kurre. Gjithsesi njerezit qe e kuptojne sportin e dine se per cfare flas. Per fat te keq duhet ti mbyll ketu garat per kete vit apo duhet ti jap kohe kembes te rikuperohet, sigurisht per tu kthyer me objektiva tjera. Jam e rrethuar nga njerez qe me mbeshtesin shume dhe kjo me ben shume te lumtur. Ndoshta kete vit e mbylla vetem si Nen Kampione Europe, por aktivitete te tjera me presin. Shume Faleminderit te gjitheve”, shkruan ajo.

Problemet me kaviljen ishin të njohura për Gegën dhe stafin e saj, megjithatë u shpresua që ajo do mund të kishte një garë të sajën në Rio, të cilën e pati dhe pse pa rezultatin e dëshiruar.

Një ditë më parë, Luiza shkruante për këtë gjendje jo të përkryer fizike, por dhe ishte e vendosur për ta çuar garën deri në fund. “Gati per neser. Dhe pse ndoshta jo ne 100% te formes time pasi demtimi ne tendine mbas Kampionatit Europian me ka lene pak mbrapa me stervitjen speciale te pengesave perseri do jap maksimumin tim. Jane Lojerat e para Olimpike per mua dhe dua t’i shijoj ne maksimum.Gjithsesi sporti per mua nuk mbyllet ketu, lojerat e ardhshme vijne me shpejt se c’i mendojme dhe une do te vij me synime shume me te medha. Ndihem shume me fat qe kam nje mbeshtetje shume te madhe nga njerezit ku urime pa fund akoma vazhdojne te me vijne. Faleminderit”, shkruante ajo.

Mbështetja e ndjekësve shqiptarë ka vijuar edhe pas përfundimit të garës.