Fakultetet, kuotat e pranimeve për të gjitha degët 2016-2017

Hyn në fuqi vendimi për pranimin në universitete për vitin akademik 2016-2017. Vendimi përcakton kuotat e pranimit në 295 degë në të gjitha universitetet e Shqipërisë, mënyrën e pranimit në degë të veçanta, degët për të cilat zhvillohet konkursi si dhe studentët që do të pranohen nga Mali i Zi dhe Kosova etj. Janë në total 24915  kuota pranimi, nga 20 211 që u pranuan vitin e kaluar, pra 4700 studentë më shumë, që do të shkojnë në universitet publike, sipas tabelës që gazeta e boton më poshtë.

Degët me konkurse

Përveç shumicës së degëve universitare ku mund të futesh sipas përqindjes nga nota mesatare dhe ajo e lëndëve bazike, në bazë të rezultatit të provimeve të maturës, janë dhe një sërë degësh ku studentët i nënshtrohen konkurseve. Sipas vendimit të qeverisë, kandidatët, të cilët aplikojnë për një program të parë studimi në vitin akademik 2016-2017, në programet e studimeve të ciklit të parë me kohë të plotë në: Universitetin e Arteve Tiranë, Universitetin e Sporteve të Tiranës, universitetin “Aleksandër Xhuvani” Elbasan (programi i studimit “Edukim fizik dhe sporte”), universitetin “Luigj Gurakuqi”, Shkodër (programet e studimit “Edukim fizik dhe sporte”, “Pedagogji muzikore”dhe “Pikturë e grafikë”), si dhe në universitetin “Aleksandër Moisiu” Durrës (programet e studimeve të Fakultetit të Studimeve të Integruara me Praktikën, FASTIP), duhet të plotësojnë edhe kriteret e veçanta (përfshirë këtu konkurset e pranimit), të vendosura nga vetë këto institucione publike të arsimit të lartë.

  Fakultetet, kuotat e pranimeve për të gjitha degët by JolaAlimemaj on Scribd