Thënie e mrekullueshme nga Russell

I lindur në Trelleck (Uells), pjesën më të madhe të jetës e kaloi në Angli, vdiq në moshën 97 vjeçare.

Russell udhëhoqi revoltën britanike kundër idealizmit në fillim të viteve 1900. Ai konsiderohet një nga themeluesit e filozofisë analitike së bashku me Wittgensteinin dhe Fregen. Ai së bashku me Alfred North Whiteheadin shkroi librin Principia Mathematica, në të cilin u përpoqën të spjegojnë matematikën me anë të logjikës formale. Punimet e tij kanë pasur ndikim të konsiderueshëm në logjikë, matematikë, gjuhësi dhe filozofi.

Publikimi i tij i parë u bë në 1896 ,i titulluar : Social-Demokracia Gjermane . Në të njëjtin vit ai jepte mësime mbi social-demokracinë gjermane në London School of Economics. Në 1910 Russell u bë lektor në universitetin e Kembrixhit.

Publikoi autobiografinë e tij në 1967,1968 dhe 1969.

Ai ishte një aktivist i shquar kundër luftës, përkrahës i tregtisë së lirë në mes të kombeve dhe antimperialist. Russell u burgos për aktivitetin e tij paqësor gjatë Luftës së Parë Botërore. Bëri fushatë kundërAdolf Hitlerit, kritikoi totalitarizmin sovjetik dhe Shtetet e Bashkuara për përfshirjen e tyre në Luftën e Vietnamit, dhe ishte një përkrahës i palëkundur i çarmatimit bërthamor.

Në 1950, Russell u nderua me Çmimin Nobel për Letërsi, për shkrimet e tij të ndryshme ku mbron idealet e lirisë së mendimit.