Arra dhe ajkë qumështi për një fytyrë plot shkëlqim

Arrat dhe ajka e qumështit janë një kombinim i fuqishëm, i cili i jep fytyrës suaj shkëlqim dhe heq njollat e errëta nga lëkura.

Në rast se nuk jeni të vetëdijshëm për përfitimet që fytyra juaj ka nga arra, ja çfarë duhet të dini…

Arrat janë plot me antioksidantë, vitamina E dhe B, të cilat ndihmojnë trupin për të përmirësuar shëndetin e përgjithshëm të lëkurës duke neutralizuar dëmtimin e lëkurës, që shumicën e kohës shkaktohet nga radikalet e lira dhe stresi oksidativ.

Një tjetër përfitim i arrave është se ndihmon në ngadalësimin e procesit të mplakjes. Me fjalë të tjera, arrat kanë veti natyrale të cilat e mbajnë fytyrën tuaj përherë të re.

Ato e hidratojnë dhe e ushqejnë lëkurën nga brenda dhe sigurojnë ndihmë për të rivitalizuar qelizat e dëmtuara dhe për rigjenerimin e qelizave të reja, të cilat si përfundim përmirësojnë ngjyrën e lëkurës.

Ndërsa ajka e qumështit është një nga ilaçet shtëpiakë më të vjetër të përdorur për të përmirësuar shëndetin e lëkurës. Ajka është një nga hidratantët më të mirë natyralë për lëkurën e thatë dhe të plasaritur.

Ajka e qumështit gjithashtu vepron si toner zbutës i lëkurës dhe ndihmon në përmirësimin e tonit të lëkurës, duke i shtuar lëkurës shkëlqim të shëndetshëm. Ajka është edhe një nga ilaçet natyralë më të mirë për rrathët e zinj dhe qeset poshtë syve.

Përbërësit

Arra- 4-5 kokrra

Ajkë qumështi- 1 lugë gjelle

Përdorimi

Për të marrë përfitime të plota të kësaj përzierjeje të fuqishme ndiqni hapat e mëposhtëm.

1. Zhysni arrat në ujë për 1 orë dhe shtypini në formën e një paste të trashë.

2. Shtoni ajkë qumështi te arrat e shtypura dhe përziejini shumë mirë.

3. Aplikojeni këtë përzierje (në formën e një paste) në fytyrë të pastër dhe në qafë dhe masazhojeni me lëvizje të buta rrethore për 5 minuta.

4. Rekomandohet që kjo përzierje të qëndrojë në fytyrë të paktën për 20 minuta.

5.  Lajeni me ujë.