Të jetë e vërtetë kjo që thotë, se duket e vështirë për t’u besuar

44 vite punë, pa munguar asnjë ditë: Në fakt nuk bëhet fjalë për një skenar filmi, por për historinë e vërtetë të shqiptarit Mustafa Osmani. Osmani, shqiptari nga Tetova, para disa kohësh doli në pension, por imazhi i tij si një puëtor i zellshëm do të mbetet gjithmonë në kompaninë ku ai punoi pjesën më të madhe të jetës.

Mustafa ka punuar 36 vite si kryepunëtor në sektorin e prodhimit të zinxhirëve për pajisjet prerëse të drurit. 36 vite të kaluara në të njëjtën kompani, me të njëjtën dëshirë, vullnet dhe entuziazëm për të punuar. “Vetëm kur kam marrë pushim, kam munguar. Ndryshe, kurrë, asnjëherë, përplot 44 vite punë i kam pa munguar. Nuk jam ankuar asnjëherë. Nuk di çfarë është të kesh dhembje as sot që jam në pension “, rrëfen 65-vjeçari me banim në qytetin zvicerian të Wilit. Mustafa dhe bashkëshortja, Hirijeta, kanë katër fëmijë, dy djem e dy vajza që të gjithë të lindur në Wil. Ata sot janë gjyshër krenarë me 8 mbesa e 6 nipër që i takojnë gjeneratës së tretë të shqiptarëve të vendosur në Zvicër. Por gjërat s’kanë qenë kaq të thjeshta. Mustafa ka rrëfyer pengesat që i është dashur të kalojë kur ka emigruar në fillm vitet ’70 sëbashku me bashëkshorten. Kjo e fundit tregon që shtëpia e tyre e parë në Zvicër s’kishte asnjë gjë për t’u ngrohur. Ajo kujton se me lotë në sy e ka pyetur Osmanin:” Ku do ngrohemi?”

Megjithatë kjo situatë nuk zgjati shumë, pasi shumë shpejt falë punës dhe këmbënguljes së tij, jeta e tyre nisi të përmirësohej. Osmani punoi për 8 vjet në një ndërmarrje, për të kaluar më pas tek ajo që kaloi pjesën më të madhe të jetës. Orët e tij të pafundme dhe mungesa e ditëve pushim, bënte që shpeshherë ai të paguhej edhe më shumë se vetë shefi. Në janar Osmani doli në pension dhe punëdhënësi i tij i kishte rezervuar një surprizë. Kompania prodhuese i njohu shqiptarit çertifikatën e punës me vlerësimet më pozitive të mundshme për një punëtor. Ata kanë vlerësuar lartë përgjegjësinë Mustafës që ka treguar ndaj vendit të punës dhe fleksibilitetin e gatishmërinë për të punuar me orare të ndryshme sa herë që është paraqitur nevoja./AlbInfoq