Arrestohet mësuesja, nxiti të miturit të vinin në Tiranë me taksi

Por skandali u thellua pasi të miturit rrëfyen se ishte mësuesja tjetër, kujdestarja e tyre, Mjaftoni Ago ajo e cila u ka paguar taksinë duke i nisur të pashoqëruar drejt Tiranës.

Mëngjesin e sotëm, mësuesja Mjaftoni Ago, 57 vjeç është arrestuar nga policia dhe akuzohet për shpërdorim detyre. Ajo akuzohet se ka nxitur 5 nxënësit e shkollës “7 Marsi” të vinin në Tiranë dhe i ka nisur pa marrë lejen e prindërve në studion televizive.

NJOFTIMI ZYRTAR I POLICISE

“Specialistët për Krimin Ekonomik dhe Financiar, në Drejtorinë Vendore të Policisë Elbasan, në bashkëpunim me Prokurorinë e Rrethit Gjyqësor Elbasan, bënë ndalimin e shtetases:  Mjaftoni Ago, 57 vjeçe, banuese në Cërrik , me detyrë mësuese kujdestare në shkollën 9-Vjeçare “7 Marsi” Ndalimi i saj u bë nga efektivat e policisë, pas njoftimit të bërë në median vizive, në Televizionin News 24, si dhe pas kallzimit të bërë nga shtetasi I.H, 50 vjeç, banues në Cërrik. Kjo shtetase, duke qenë kujdestare në shkollën 9-vjeçare “7 Marsi” Cërrik dyshohet të ketë shpërdoruar detyrën duke nxitur nxënësit e klasës së pestë A që të shkonin për tu ankuar pranë studios televizive te “News 24″, për problemet me mësuesit e kësaj shkolle. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shpërdorimi i detyrës” parashikuar nga neni 248 i Kodit Penal.”