Kryeprokurori Adriatik Llalla ka raportuar sot përpara komisionit parlamentar të Sigurisë Kombëtare, lidhur me hetimin penal që ka hapur Prokuroria e Tiranës, për një pajisje të policisë së shtetit, që sipas opozitës është përdorur për të përgjuar funksionarë të lartë shtetërorë nga qeveria.

Përveç përmbajtjes së takimit, bie në sy edhe përbërja e komisionit që duhet të kujdeset për sigurinë kombëtare të vendit.

Në të spikatin figura të shquara ish-policës si Paulin Sterkaj dhe Pjerin Ndreu.

Gjithashtu, Anduel Xhindi i PS, nuk u dëgjua gjatë gjithë dëgjesës të bënte qoftë edhe një pyetje të vetme, teksa merrej rregullisht me celularin e tij dhe përtypte një çamçakëz.

Por nuk mbaron me kaq.

Ndërsa ishte thirrur në raport Visho Ajazi, deputeti Xhemal Qefalia ndërhyri duke i kërkuar kryetarit të Komisionit Famuri Noka që Ajazi të deklarohet në mënyrë “teksative” për pajisjen….

-Taksative.., ndërhyri Noka.

-Po taksative, më fal, korrigjoi Qefalia.

-S’ka problem, vazhdoi Noka, se të gjithë bëjmë gabime “ORTOGRAFIKE!” kur flasim.

Një tjetër figurë karizmatike që ajo e deputetit të PDIU Aqif Rakipi.

Ndërkohë Ylli Dylgjeri, duke iu referuar këtij komisioni, është mallëngjyer për kryetarin Spartak Braho.

“Mungon Baba Taku!

Bëni qejf Ju policë e prokurorë…

Talluni, talluni! Na gjetët në ditën më të zezë.

Na mungon sot Zoti punës! Mungon Ai që hyn në çdo valixhe. Na mungon Ai që s’ka nevojë për kod e çelës kopil. Hyn ditën e natën. Hyn me çelës e pa çelës. Hyn e s’lë plaçkë pa lëvizur.

Na mungon Baba Taku. Duroni dhe pak, sa të bëhet më mirë. Se po erdhi i shëruar, do Ju sëmuri të gjithëve ju që gënjeni.

Mirëardhsh i shëndoshë Baba Taku!”, shkruan ai.

Kryeprokurori, Adriatik Llalla, duke folur gjate nje mbledhje te Komisionit Parlamentar te Sigurise, ku eshte diskutuar ne lidhje me ceshtjen pajisjes se pergjimit, qe dyshohet se eshte ne rruge te kundra ligjshme ne duart e Policise se Shtetit.

Kryeprokurori, Adriatik Llalla, duke folur gjate nje mbledhje te Komisionit Parlamentar te Sigurise, ku eshte diskutuar ne lidhje me ceshtjen pajisjes se pergjimit, qe dyshohet se eshte ne rruge te kundra ligjshme ne duart e Policise se Shtetit.

Deputeti i PDIU, Aqif Rakipi,

Deputetet, Shkelqim Selami, Pjerin Ndreu dhe Xhemal Qefalia,

/Mapo