“Aq besim të verbër kanë ndaj BE shqiptarët, sa dëgjojnë pa përkthim”

Kryeministri Edi Rama ishte sot në Vlorë, ku u takua me banorë të Novoselës, të cilët përfituan dëftesat financiare të kompensimit, në bazë të vlerësimit të dëmeve të pësuara.

Por nuk kanë munguar batutat e shefit të qeverisë. Që në hyrje të fjalës së tij, Rama përmendi faktin se të pranishmit kishin refuzuar kufjet për të dëgjuar fjalën e ambasadores së BE, dhe kjo sipas tij, është tregues se sa shumë e do integrimin në BE Shqipëria.

“Më vjen shumë mirë, sepse unë u interesova personalisht që të gjithë të kishin kufje për të dëgjuar përkthimin e fjalës së ambasadores, por 90% e të pranishmëve refuzuan kufjet, çka tregon besim të verbër ndaj Bashkimit Europian, që çfarëdo që thotë, ne mendojmë që është gjëja e duhur, raporton panorama. 

Me një duartrokitje për fjalimin e ambasadores së Bashkimit Europian, se të të duartrokasin kur të kuptojnë gjuhën është gjë e madhe, por të të duartrokasin kur flet edhe në një gjuhë të huaj, kjo tregon sesa shumë Shqipëria do që të integrohet në Bashkimin Europian, por duhet t’ua mbushim mendjen.

Ndërkohë, përtej shakasë, sot është vërtet dita për të treguar përmes një shembulli konkret se çfarë rëndësie jetike ka për zhvillimin dhe sigurinë e ekonomive familjare dhe ekonomisë tonë kombëtare marrëdhënia me Bashkimin Europian”.

Sot në Niviselë nisi procesi i kompensimit të fermerëve të dëmtuar nga përmbytjet e muajit shkurt të  vitit të kaluar.

Janë 3529 familjeve fermere dhe 200 biznese që përfitojnë kompensimin e dëmeve të shkaktuara në bujqësi nga përmbytja, në vlerë totale prej 7.110 milionë euro, kontribut i Bashkimit Europian.