Një nga akset problematike kombëtare në Rrogozhinë, pas shumë vitesh ka marrë zgjidhje nga rilindasit. Segmenti prej 4,3 km me 2 korsi kalimi të gjera 10,5 m ka kushtuar 5,7 milionë euro të financuara nga Bashkimi Europian.

Bypassi i Rrogozhinës është një nyje e rëndësishme për lëvizjen dhe lidhjen e mjeteve me pjesën jugore dhe veriore të vendit. Pasi të kuptohet që makinat do të bëhen lëmsh duke ardhur vërdallë rrethrrotullimeve, do kërkohen tendera për ta kthyer në mbikalim.

Në vend të ndërtimit të mbikalimeve, janë bërë rrethrrotullime, me siguri për të kursyer fondet e BE-së. Një rrugë 4,3 km nuk mund të kushtojë kaq shumë. Me një kosto mesatare, 1 km rrugë me 2 korsi kushton afërsisht 250 mijë euro. Duke llogaritur mbikalimet me 5000 euro secila, rruga i bie të ketë kushtuar mesatarisht 2 milionë euro. Hajde me hatër po themi 2,5 milionë. Po edhe sikur të ketë kushtuar 3 milionë maksimumi, ku ka shkuar pjesa tjetër?

Me sa kemi parë deri tani, kjo rrugë nuk ka ndonjë standart si ato që jemi mësuar të shohim në Evropë. Më herët ministri Haxhinasto ka thënë që rruga do të ndërtohet për të shmangur trafikun gjatë stinës së verës. Kjo vlen për tu parë. Megjithatë nuk duhet të harrojmë që për çdo ndërtim rruge duhet të mbajnë komision edhe pushtetarët, shruan Jeta Osh Qef.