Tiranë – Atentat në zonën e ish-Bllokut, ekzekutohet me armë zjarri një person

Një person është ekzekutuar mbrëmjen e sotme, (1 Maj 2016)  në afërsi të shkollës 9-vjeçare “Emin Duraku” në kryeqytet.

Ngjarja e rëndë ka ndodhur rreth orës 22:20 në lokalin “De Niro” në zonën e ish-Bllokut,  ku shtetasi Elton Cico është qëlluar me armë zjarri.

Ai është transportuar me urgjencë drejt spitalit, por si pasojë e plagëve të marra ka ndërruar jetë në spitalin e Traumës.

Ende nuk dihen rrethanat në të cilat ka ndodhur plagosja, ndërkohë që forcat e policisë kanë nisur hetimet për zbardhjen e ngjarjes.

Ne foto: Pamje nga vendi ku ndodhi atentati

Njoftimi i policisë së Tiranës (ora 23:00
“Policia e Tiranës ka marrë një telefonate se në një lokal pranë zonës së stadiumit “Selman Stermasi”, tek Tirana e Re, ishin dëgjuar të shtëna me armë.

Forca të shumta policore shkuan në vendngjarje.

U konstatua se te lokal “De Niro” është plagosur me armë zjarri shtetasi Elton Cico.

I plagosuri është dërguar menjëherë për ndihme mjekësore në spital, por megjithë ndihmën e dhënë ai ka ndërruar jetë.

Policia po punon për sqarimin e rrethanave të krimit dhe kapjen e autorëve”, thuhet në komunikatën e Policisë së Tiranës.