Aktualitet
Berisha bën album me fotot më të këqija të Edi Ramës
Pas artikullit të revistës prestigjoze “Politico” që e cilësonte kryeministrin Edi Rama si liderin më të papushtetshëm dhe më me pak ndikim në Europë, ka reaguar ish kryeministri Sali Berisha duke e cilësuar këtë si një “rekord të zi personal të Ramës”.
Berisha ka bërë bashkë fotot ku Rama duket në formën e tij më të keqe duke shkruar:
“Një rekord personal i zi ndërkombetar i Edi Ramës!
Prestigjiozja “Politico” e Brukselit, rendit Ramën si liderin më të dobet dhe më të parëndësishëm të Europës.
Të dashur miq, liderin e vetshpallur rajonalo- global, Edvin Kristaq Ramën, revista prestigjioze e Brukselit “Politico”, në renditjen që u bën të gjithë liderve europian, rendit ne vend te pare Angela Merkel dhe vend te dyte David Cameron, kurse Edvin Kristaq Ramën e rendit ne vendin më të fundit, jo vetëm të lidervetë rajonit por të të gjithë Europës.
Pra në përputhje me kriteret e përdorura për këtë klasifikim, Edi Rama rezulton lideri me i parëndesishëm dhe më i dobët i Europës, nën liderët e Malit të Zi dhe Maqedonisë.
Të dashur miq, kjo damkosje është vetëm fillimi i zhveshjes cullak të një sharlatani, që për shkak të paranojës së tij u deklaron shqiptarëve se ai ka gjithjë të drejtë, por që tani është bërë hajgare e Europës!”
Duhet të jeni i kyçur në mënyrë që të mund të lini një koment Kyçu