“Marrëdhëniet e mira me Ilir Metën i ka Edi Rama, sepse…”

Deputeti socialist tha dje në “Opinion” se tanimë ai është në opozitë.

“Jo në opozitën e Partisë Demokratike, por në opozitë me Rilindjen”.

Blushi tha se ndihet de facto i përjashtuar nga partia.

“Sepse i gjithë referendumi u bë kundër meje.”

Blushi shtoi se ai do të vijojë konsultimet me socialistët në bazë, ku dhe mendon se do të marrë formë ideja e tij për një lëvizje apo parti.

I pyetur se nëse nga konsultimet me njerëzit, ata nuk do të jenë gati për parti të re, ai u përgjigj se “kur nuk ka rrugë, ka vetëm një mundësi për të gjetur rrugën, duke ecur”.

Ai shtoi se ky nuk është një projekt personal.

“Shqiptarët sot kanë më pak alternative për të votuar se para 4 apo 8 vitesh. Sepse sot PD e PS kanë ngjashmëri shumë të madhe.”

Ndërkohë, i pyetur se a është e vërtetë që ka marrëdhënie të mira me Ilir Metën, ai u përgjigj se “marrëdhëniet e mira me Ilir Metën i ka Edi Rama, sepse Meta e bëri kryeministër Ramën në 2013”.