Kujdes nga përdorimi tyre nëse doni të dukeni seriozë.

Në ambjentet e punës, çdo njeri duhet të ketë etikën e punës. Etikën, e tregoni që nga veshja, e më pas tek fjalët që përdorni gjatë komunikimit me kolegët tuaj. Ambjenti juaj i punës, sado i lirshëm të jetë, apo sado të afërt të jeni me kolegët, ka disa gjëra të cilat është mirë të mos i thoni.

Gati ose për pak

Duket sikur të gjithë e kanë fjalën e parë që ju vjen në mendjen në momentin që pyeten nëse e kanë mbaruar një punë. Zakonisht sa herë thuhet ‘gati e kam mbaruar/për pak e mbaroj’ në fakt ju as nuk e keni filluar punën e caktuar. Kështu që në vend të kësaj shprehjeje, mundohuni më mirë të tregoni progresin që keni bërë në detyrën që ju është dhënë.

Një ditë do e mbaroj

Është njësoj sikur të përdorni ‘për pak’, pra fjalët e pikës së parë. Tregon se ju nuk jeni fokusuar aq shumë tek detyra juaj dhe se nuk përbën problem për ju zgjatja e afatit të kryerjes së asaj detyre. Në momentin që përdorni frazën ‘një ditë do e mbaroj detyrën’, ju jepni direkt përshtypjen e një punonjësi që nuk interesohet aspak për mbarëvajtjen e punës.

Rëndësi ka të përpiqesh

Gjithmonë përpiqemi të arrijmë qëllimet tona, por në një pikë të caktuar përpjekja nuk mjafton. Duhet të filloni të veproni dhe jo thjesht të përpiqeni, ndryshe kolegët tuaj do të humbasin besimin tek ju. Gjithashtu nuk është diçka e mirë për t’jau thënë kolegëve, pasi duket sikur mjaftoheni me faktin që përpiqeni, pavarësisht se nuk arrini rezultatin e duhur.

Ndoshta

Kur vjen puna për të marrë vendime, të çfarëdolloj fushe, gjërat vështirësohen. Por, ky nuk është një justifikim për të përdorur këtë fjalë. Nuk mund të rini gjith kohën duke thënë ‘ndoshta’, pasi ju bën të dukeni si një njeri i dobët i cili nuk vendos dot për asgjë.

Do dëshiroja

Gjëja më e rëndësishme është të zëvendësoni fjalën ‘dëshiroj’ me frazën ‘do e bëj’. Mos konsideroni asgjë si të pamundur dhe mos harxhoni kohën duke menduar për gjërat që dëshironi, por vendosini qëllim vetes t’i arrini ato gjëra. Nëse përdorni vazhdimisht këtë shprehje në punë, do të dukeni si një person i cili e pret çdo gjë ti vijë pa bërë asnjë përpjekje./ Mashable