Ku i gjejmë ne gjithmonë, këta ish të arrestuarit aman?

Marco Casamonti, i cili i prezantua si arkitekti i kompanisë “Archea” që projektoi stadiumin e ri kombëtar të Shqipërisë rezulton i arrestuar në Itali për korrupsion në vitin 2008. La Repubblica shkruante në atë kohë se nga hetimet e zhvilluara prej prokurorit Giuseppe Quattrochi, u zbulua implikimi i arkitektit Marco Casamonti në një tender 98 mijë eurosh për rikonstruksionin e një ndërtese në komunën Terranova Braçiolini. Gjatë fjalës në prezantimin e projektit, kryeministri shprehu vlerësim për arkitektin italian, duke thënë se “Nuk e ekzagjeroj, sepse nuk është aspak e vështirë në këtë aspekt nëse ke vizionin e duhur, vendosmërinë e duhur dhe skuadrën e duhur, siç besoj që sot që është një skuadër e duhur, përmes partneritetit mes qeverisë, federatës, arkitektit të madh italian Marco Casamonti dhe një kompanie të shquar shqiptare”, tha Rama. Projekti do të realizohet sipas partneritetit publik privat, ku është parashikuar ndërtimi i një kulle hotel bashkangjitur me stadiumin.