Fillimisht u detyruan t’i prisnin flokët në modelet që donte regjimi, kurse tashmë koreano-veriorëve u është ndaluar të vendosin pirsing.
Ligji, i cili nuk lejon as veshjet perëndimore si xhinset, është përqëndruar kryesisht në zonat të cilat kanë afërsi me kufirin. Ky rregull i ri është zbuluar nga një website online koreano-verior dhe është shpjeguar si një tentativë e regjimit për të eliminuar kapitalizmin. Sitemi dictatorial i Kim Jong-un kundërshton vazhdimisht çdo tendencë perëndimore. Të rinjtë, mbështetës të diktatorit, lëvizin rrugëve për t’u siguruar që askush s’po e thyen kodin e veshjes. Ata shënjestrojnë veshje të tilla si fundet e shkurtra, forma të çuditshme këpucësh apo bluza me krahë të shkurtra. Të gjitha këto konsiderohen si cënim i moralit publik./Telegraph
Duhet të jeni i kyçur në mënyrë që të mund të lini një koment Kyçu