Sport
Messi, ku janë golat?
Kampionati spanjoll është hapur dhe kjo falë dy humbjeve rresht të Barcelonës. Pasi kanë humbur “El Clasico”-n, kampionët e Spanjës nuk kanë thyer dot tabunë në fushën e Sociedadit ku janë mundur 0-1.
Barça ka frenuar në renditje, por ajo që shqetëson më shumë trajnerin Luis Enrike është se Leo Mesi ka humbur magjinë e golave.
Në 362 minutat e fundit në të gjitha kompeticionet “pleshti” nuk ka arritur të shënojë gol duke u kthyer në një sulmues “steril”.
Në Champions ka menduar Luis Suarez për të shpëtuar Barcelonën nga disfata, ndërsa mungesa e tij në takimin e djeshëm kundër Sociedadit është ndjerë shumë, pasi lideri argjentinas është në një moment të keq.
“Thatësia e golave” i ka ndodhur Leo Mesit edhe në vitin 2011, kur sulmuesi argjentinas nuk ka shënuar për disa ndeshje rresht.
Duhet të jeni i kyçur në mënyrë që të mund të lini një koment Kyçu