Kritike
Mbiemrat Xhunga dhe Hila të shëmtuar në gjuhën shqipe
Historiani Arben Llalla ka reaguar pas deklaratës së analistit Dritan Hila lidhur me kryeprokurorin e Përgjithshëm, Adriatik Llalla. Por ajo që ka revoltuar historianin nuk lidhet me kritikat e Hilës ndaj kryeprokurorit, por ajo që analisti shkruante në fund të postimit: “…ti që fshati të paska njohur mire deri sa te dha atë mbiemër që ke”.
Historiani Arben Llalla shprehet se ish-diplomati mund ta kritikojë kryeprokurorin sa të dojë, po nuk ka të drejtë të ofendojë mbiemrin që ai mban. Sipas Llallës, mbiemrat (Rudina) Xhunga dhe (Dritan) Hila janë më të shëmtuara se Llalla në kuptimsinë e gjuhës shqipe.
“Ish-Diplomati Dritan Hila, mundet ta kritikojë kryeprokurorin sa të dojë, të bërtasë dhe të çirret për punët e tij të suksesshme dhe jo të suksesshme, por nuk ka të drejtë të ofendojë mbiemrin që e mban kryeprokurori sepse atë mbiemër e mbajnë edhe personalitete të njohura të jetës publike. Personalitete që i kanë dhënë shumë Shqipërisë dhe që janë shpallur Nderi i qytetit të Gramshit. Ti vije turp Dritanë Hilës për diskutimin rreth mbiemrit LLALLA, për të tjerat skam qejf të diskutoj. Nëse do merremi me mbiemrat Xhunga apo Hila janë më të shumtuara se LLALLA në kuptimsinë e gjuhës shqipe”, shprehet historiani.
Duhet të jeni i kyçur në mënyrë që të mund të lini një koment Kyçu