Në Shqipëri do të dënoheni nëse keqtrajtoni këtë kafshë

Në shtetet e Ballkanit mbajtja e arinjve privat në kushte jetese të mjerueshme mbetet një çështje sfiduese. Ndërkohë që në Kosovë po aplikohen dënime të larta për mbajtjen e paligjshme të tyre gjatë tre viteve të fundit, një numër i madh arinjsh po vuajnë në Shqipërinë fqinje.

Shqipëria është shtëpia e më shumë se 80 arinjve në robëri që po jetojnë një jetë të mjerueshme. Arinjtë e murrmë janë kapur dhe shpesh abuzuar për të marrë përfitime dhe për argëtim. Mirëpo praktikat abuzive nuk janë e vetmja gjë shqetësuese në këtë zonë. Pjesa më e madhe e tyre që jetojnë në robëri janë kapur të egër që të vegjël dhe kjo praktikë rrezikon zhdukjen e popullsisë së arinjve të egër e cila vlerësohet rreth 250 tani.

Në përgjigjje të kësaj çështjeje, “FOUR PAWS” (Një organizatë bamirëse për mirëqenien e kafshëve) dhe qeveria shqiptare kanë rënë dakord që të punojnë së bashku për të gjetur një zgjidhje të përshtatshme dhe dashamirëse ndaj kafshëve.

Arinjtë e murrmë janë tashmë të mbrojtur me ligj, por abuzimet janë të zakonshme sepse nuk askush nuk ndiqet penalisht ose gjobitet. Për më tepër nuk ka të dhëna në lidhje me numrin e saktë të arinjve që jetojnë në robëri dhe as një vend për t’i akomoduar ata kur lirohen.

Për këtë arsye, si një hap i parë do të forcohet sistemi penal dhe do të zhvillohet sistemi i regjistrimit të arinjve të murrmë në robëri së bashku me udhëzime përkatëse. Për më tepër do të zhvillohet edhe ligji për mbrojtjen e botës shtazore duke përfshirë të gjitha format e mbrojtjes së mbajtjes mizore të kafshëve.

“Së pari në duam të fokusohemi në dhënien fund të formave mizore të mbajtjes së arinjve në Shqipëri. Ka shumë arinj të abuzuar që tërheqin turistët për shembull në strofulla në restorante, plazhe dhe vende të njohura. Duam të forcojmë imazhin e Shqipërisë si një destinacion turizmi i përshtatshëm ku trajtimi mizor i kafshëve nuk është legjitim,” tha Ministri i mjedisit Lefter Koka.