Zyrtarisht në garën për të drejtuar Universitetin e Tiranës janë dy profesorë, të dy dekanë: Klodeta Dibra nga Gjuhët e Huaja e Mynyr Koni nga Shkencat e Natyrës.
Ata do të përballen më 20 prill për të fituar garën për postin e rektorit të Universitetit më të madh në vend, atë të Tiranës. Pranë Komisionit Institucional të Zgjedhjeve gjatë kësaj kohe kanë dorëzuar aplikimet edhe kandidatët për anëtarë të senatit akademik.Mes tyre spikatin emra të njohur si rektori Dhori Kule, dekani i Ekonomikut Sulo Haderi, i Filologjikut Shezai Rrokaj, i Drejtësisë Altin Shegani, i Shkencave Sociale Theodhori Karaj zv.rektori Ervin Demo, kandidatë për dekanë: Dhurata Shehri, Spiro Drushku, Esmeralda Kromidha e të tjerë.
Për ta do të votojnë kolegët e tyre pedagogë me kohë të plotë. Ndonëse neni 27 i rregullores parashikon që senati i UT-së të ketë përcaktuar edhe numrin e përfaqësuesve të senatit të ardhshëm, një gjë e tillë ende nuk është shpallur.
Përveç pedagogëve, nga ana tjetër janë studentët që do të zgjedhin midis 12 kandidatëve, të cilët do t’i përfaqësojnë në senat.
Duhet të jeni i kyçur në mënyrë që të mund të lini një koment Kyçu