Deputeti socialist Vladimir Kosta në një postim në rrjetet sociale, ka etiketuar kolegun e tij Eduart Shalsi si “arrogant, prepotent dhe mohues”, pasi ka sqaruar debatet që kanë ndodhur në komision e Veprimtarisë Prodhuese. Kosta tha se ka propozuar në komision “që anëtarësimi në dhomën e tregtisë, të mos jetë i detyrueshëm për bizneset e Shqipërisë”
Reagimi i plotë i Kostës:
Përshëndetje miqve të mi dhe të gjithë atyre bizneseve që janë të interesuar të dijnë për ligjin mbi dhomat e tregtisë.
Kam qenë pjesë e kryesisë së dhomës në Tiranë , dhe meqë kam pak njohje për aktivitetin e dhomës, propozova në komision që anëtarësimi në dhomën e tregtisë, të mos jetë i detyrueshëm për bizneset e Shqipërisë.
Propozova në komision, të marrim pjesë, ne deputetët e këtij komisioni, në mbledhjet e shoqatave për të marrë mendimin e vet biznesmenëve nëse duhet apo jo anëtarësimi i detyrueshëm?!
Eduard Shalsi sot në komision bëri sjelljen e një arroganti, prepotenti, të një mohuesi kur thotë se ka mbledhur grupet e interesit për tu marrë mendimin e tyre !
Ed Shalsi; nuk është aspak e vërtetë që ju keni pyetur direkt biznesin, ashtu siç pretendon dhe gënjen ata 5 deputetët e komisionit.
Ti ke marrë mendimin e krerëve të dhomave dhe ata ta kanë kundërshtuar anëtarësimin e detyrueshëm.
Sapo e vertetova këtë fakt me drejtorin ekzekutiv të dhomës amerikane të tregtisë.
Dhe mendimi i tijë është kundër asaj që do të bëni ju.
Prandaj do të lutesha të gjesh rrugën e drejtë, që ju të mos diktoheni nga dikush me interesa personale.
Duhet të jeni i kyçur në mënyrë që të mund të lini një koment Kyçu