Të dënohet me burg Ardit Gjebrea

Fasni Canaj, babai i Alda Canaj, adoleshentes së vrarë në vitin 2001 nga ish-oficeri i SHISH-it, ka depozituar sot në Gjykatë një padi ndaj Ardit Gjebreas, për fyerje. Këtë çështje në ngarkim e ka marrë avokati, Saimir Visha.

“Të dënohet me burg Ardit Gjebrea dhe televizioni ku u transmetua ajo intervistë”, është një prej kerkesave të babait i cili humbi gruan dhe vajzën në vitin 2001.

Historia e Alda Canaj dhe nënës së saj që mbetën të vrara me armë zjarri në vitin 2001 u risoll në vëmendje nga Ardit Gjebrea në emisionin “E diela shqiptare”. Rrëfimi nga burgu i Marjan Rrokut ka indinjuar pjesëtarët e familjes Canaj duke çuar kështu çështje dhe në gjyq.

Kujtojmë se Rroku u gjykua në mungesë një vit pas vrasjes dhe u dënua me burgim të përjetshëm. I dënuari përjetë u arrestua 10 vite pas krimit të kryer, në një apartament ku jetonte së bashku me djalin dhe bashkëshorten e tij. Kjo e fundit nuk kishte qenë në dijeni të faktit se Toni Mirakaj (ashtu siç e njihte ajo) kishte qenë në kërkim ndërkombëtar për vrasje. Vetëm një ditë pasi Connolly arrestoi të shumëkërkuarin, ai ndaloi në Virginia për të takuar Ornelën (motrën e Aldës) dhe si dhuratë i dha prangat me të cilat kishte prangosur Marjan Rrokun.