“Më mirë 1 ditë si luan sesa 100 ditë si dele”

“Mjafton vetëm premtimi i tij për t’u ndaluar hyrjen në Shtetet e Bashkuara të gjithë myslimanëve për të kuptuar që nuk ka asnjë ndryshim mes Donald Trump dhe Benito Musolinit”.

Kështu do të shkruante ndër të tjera Andrew Roberts në artikullin e publikuar prej tij në “The Telegraph” me titull “Donald Trump, Musolini i Amerikës”.

Në artikull, Robert mundohet t’u mbushë mendjen lexuesve duke renditur një sërë arsyesh se përse Trump ngjasonte me diktatorin fashist italian të Luftës së Dytë Botërore.

Sigurisht, në 2016 shkrimi i tij ka gjetur më shumë skeptikë sesa përkrahës, por ai që ja lehtëson më shumë punën duket se është vetë kandidati favorit i republikanëve në garën për Shtëpinë e Bardhë.

Gafa (nëse mund të quhet e tillë) e Donald Trump ka mbërritur nga rrjetet sociale, ku ai është tepër aktiv. Sipas “New York Times’, në orën 06:13  Trump në orën 06:13 ripostoi një “cicërimë” në Twitter, ku shkruhej njëri prej citateve më të famshëm të “Duçes’.

“Më mirë 1 ditë si luan sesa 100 ditë si dele”, shkruhej aty…dhe nuk mbaron këtu. Postimi fillestar i takonte një llogarie me emrin parodike e quajtur “Il Duce” dhe ku në foton e profilit ndodhej fytyra e Donald Trump.

Menjëherë kanë nisur komentet qortuese në drejtim të kandidatit republikan, aq sa ky i fundit është detyruar që ta fshijë postimi, por jo para se ai “të merrte dhenë”.