Kastriot Islami: “Sepse Rama është i dështuar, i paaftë, mediokër, hileqar, tinëzar”…dhe një citim nga At Zef Pllumi

Deputeti i Partisë Demokratike, Kastriot Islami, në një intervistë për gazetën Sot, komenton nismën e deputetit Ben Blushi për të garuar për kreun e PS.

I pyetur nëse Blushi do ketë fatin e tij në PS, Islami thotë: “Çdo individ ka fatin e tij. Unë jam i lumtur me fatin tim”.

I pyetur se përse Edi Rama nuk do të votëbesohet, Islami thekson: “Sepse Rama është i dështuar, i paaftë, mediokër, hileqar, tinëzar”.

“Rama nuk bën drejtim politik, por karakterial. Ai është veçanërisht i vendosur për përplasje, shkatërrim, dhunim. Prandaj, Rama është personi më i përshtatshëm për të shkatërruar PS-në dhe gjykoj se po ia arrin me sukses qëllimit. Këtë nuk e kam thënë unë i pari, por At Zef Pllumi kur ka marrë vesh se Edi Rama është zgjedhur kryetar i Partisë Socialiste. Socialistët gradualisht po e kuptojnë se Rama po e shkatërron plotësisht partinë e tyre, por ende nuk po arrijnë të reagojnë”.