Çfarë do të thotë “Kuisling”?

Më 9 prill 1940 gjermanët pushtuan Norvegjinë.

Puna u bë edhe më lehtë pasi autoritetet lokale marrin urdhrin që të mundësohet zbarkimi pa problem i trupave gjermane. Urdhrin e dha ministri norvegjez i Mbrojtjes, Vidkun Quisling, që ishte lider i Unionit Kombëtar – parti profashiste e afërt me nacionalsocialistët gjermanë të Adolf Hitlerit.

Disa orë më vonë, gjermanët nga Oslo kërkuan dorëzimin pa kushte të Qeverisë norvegjeze, gjë e cila refuzohet. Atëherë nis pushtimi me parashutistë. Edhe në këtë ndërmarrje ata ndihmohen nga Qusilingu.

Norvegjia kapitulloi, ndërsa Quislingu shfrytëzoi rastin dhe e shpalli veten kryeministër e partinë e tij si të vetmen në shtet.

Megjithatë, Gjermania e Hitlerit nuk e pranoi zyrtarisht për kryeministër, deri më 2 shkurt 1942, pasi shpresonin që atë post ta merrte mbreti Haakon i II-të i cili refuzonte.

Duke u bërë kryeministër zyrtar i një Qeverie marionetë nën ndikimin e Hitlerit, Qusilingu i kishte duart e lira të bënte terror në vend, duke dërguar edhe mijëra hebrenj në kampet e përqendrimit.

Quislingu i urryer që nga vendasit quhej “Hitleri i Norvegjisë”, në pushtet ishte deri në kapitullimin e Gjermanisë naziste.

Aleatët e arrestuan atë në maj të vitit 1945, ndërsa u akuzua për tradhti dhe u dënua me vdekje – me pushkatim.

Dënimi u ekzekutua më 24 tetor 1945, ndërsa emri i tij u bë i urryer kudo në botë e nisi të jetë sinonim i tradhtarit të brendshëm që bashkëpunon me armikun në dëm të popullit.