“Dhe ata nuk janë vetëm qeveria e vjetër”…çfarë po nënkupton Rama?

Gjatë pjesëmarrjes në aktivitetin për anëtarësimet e reja në PS të zhvilluar në Durrës, Rama ka sulmuar indirekt aleatin e tij në Qeveri, kryetarin e Kuvendit, Ilir Meta, se e ka kundërshtar dhe prandaj Partia Socialiste duhet të fuqizohet akoma më shumë për zgjedhjet e ardhshme të vitit 2017.

“Pse duhet që PS të rritet? Për një arsye të thjeshtë. Sepse beteja jonë është shumë e vështirë. Ne e kemi betejën shumë të vështirë sepse në këtë betejë, ne kemi kundërshtarë të gjithë ata që u mësuan të përfitojnë nga sëmundja e këtij vendi.

Kemi kundërshtarë gjithë ata që thonë se duhet shteti, por jo për mua, duhet barazia para ligjit, por jo për mua. Dhe ata nuk janë vetëm qeveria e vjetër, por janë të gjithë ata që kanë përfituar duke bërë abuzime.

Si mundet mos jetë në qendër të sulmit ministri i Shëndetësisë. Do çuditesha sikur mos ishte kështu.

Si mundet mos akuzohet nëse ilaçet janë 30% më të mira, por janë një arsye për t’ju hakërryer sepse tërë paratë që deri dje shkonin në pak xhepa, sot janë 70 milionë dollarë të kursyera që qëndrojnë në xhepat e shqiptarëve”, tha Rama.