Çfarë kanë thënë zyrtarët e lartë amerikanë që kanë vizituar Tiranën nga viti 1991

Vizita e Sekretarit Amerikan të shtetit John Kerry në 14 shkurt në Tiranë padyshim që është e një rëndësie të veçantë. Por kjo nuk është hera e parë, që një zyrtar i lartë i SHBA-ve vend në vendin tonë. Vizitës historike ishte ajo e Presidentit George Bush në 10 qershor në Tiranë.

Parpara tij 3 sekretarë të tjerë të shtetit kanë qenë në Tiranë. Hstorike mbetet ajo e James Baker, në vitin 1991.

Më pas në vitin 1998 ishte Madeleine Albright që vizitonte Tiranën në një periudhë aspak të mirë për shqiptarët, të cilët vuanin ende pasojat e vitit të mbrapshtë 1997.

Në maj të vitit 2003-shit ishte Colin Powell, krahu i djathtë i George Bush që kishte radhën për të mbërritur në Shqipëri, i cili për disa orë u takua me krerët më të lartë të qeverisë së asaj kohe.

Pas Bushit, Hillary Clinton, në nëntor 2012 qëndroi për disa orë në Tiranë ku takoi krerët më të lartë të shtetit si dhe mbajti një fjalim në parlament.

Çfarë kanë thënë amerikanët për shqiptarët

James Baker

“Ishte një moment prekës për mua, por dhe edukues, sepse në Shqipëri dhe në vende të tjera të Europës Lindore pashë se ëndrra amerikane ishte një ëndërr universale, se njerëzit kudo kërkojnë një mundësi për të rritur fëmijët e tyre, t’i besojnë Zotit dhe të ndërtojnë jetë më të mirë për veten, me vlerat e tyre, jo të planifikuesve qendrore apo policëve sekretë çnjerëzore”.

Colin Powell

“Kam dashur gjithnjë ta vizitoj Shqipërinë, duke patur në konsideratë ndjenjën e vjetër të miqësisë shqiptaro-amerikane dhe përpjekjet e Shqipërisë për të mbështetur politikën amerikane dhe bashkëpunimin me Shtetet e Bashkuara”.

Madeleine Albright

Sekretarja amerikane kërkoi në Tiranë që shqiptarët të ndikonin për të ndihmuar dhe përkrahur popullin e Kosovës, me shpresën që ata të drejtohen nga toleranca dhe paralajmëroi çdo përpjekje për krijimin e Shqipërisë së Madhe apo Serbisë së Madhe.  

Hillary Clinton

“Lidhjet tona janë forcuar dhe shumëzuar dhe kjo nuk është vetëm midis qeverive, por edhe popujve tanë. Populli amerikan dhe ai shqiptar kanë të njëjtën aftësi për të treguar aftësi. Ju, sikurse ne, keni qenë të vendosur për të qenë të lire për të ndërtuar një demokraci të gjallë dhe ekonomi të lulëzuar dhe për të krijuar një të ardhme paqeje dhe oportuniteti për të gjithë”.