Aktualitet
Topi, rri e rri dhe sulmon Berishën që e bëri president.
Topi sulmon Berishën: Edhe një prokuror i thjeshtë do ta çonte para drejtësisë
Nëse drejtësia do të funksiononte, Sali Berisha do të çohej në burg nga një prokuror i thjeshtë.
Deklarata bëhet nga ish-Presidenti, Bamir Topi, sipas të cilit Berisha është përgjegjës për katër vrasjet më 21 janar. Gjatë një interviste për emisionin “Zona e Debatit” në “Klan Kosova”, Topi shprehet se deklaratat kontradiktore të Berishës lidhur me vrasjet e 5 viteve më parë, do të përbënin prova të mjaftueshme edhe për prokurorin më të rëndomtë për ta çuar atë përpara drejtësisë.
“Të gjitha ato akuza nxjerrin sot Sali Berishën njeriun më të akuzuar përpara drejtësisë. Qoftë edhe një prokuror i rëndomtë, pa patur ndonjë përvojë, duke paraqitur faktet nga ana e tij në sens kronologjik, do të shihnin mjaft kontradiksione që për profesionin e tyre konsiderohet fajtor”, u shpreh Topi.
Kryetari i FRD-së kujton se krisja e tij me Berishën ndodhi për shkak të termave të një deklarate gjatë konferencës për shtyp, mesditën e 21 janarit.
Vazhdo leximin
Duhet të jeni i kyçur në mënyrë që të mund të lini një koment Kyçu