Gatime
Shishqebap.
Përbërësit për 4 persona:
500 g mish (qengji, ose viçi)
4 kokrra qepë mesatare
3 lugë vaj ulliri
2 lugë uthull
Kripë
Piper
Dafinë
Rigon
Përgatitja:
Marrim mishin i cili duhet të jetë tul dhe e presim në kubikë. E vendosim në një enë dhe lart shtojmë uthull, vaj ulliri, piper, majdanoz, dafinë dhe qepë, të cilat i kemi prerë në rrathë.
I përziejmë të gjithë ingredientët me njëri – tjetrin dhe i lemë mënjanë në një vend të freskët për rreth 4 orë, në mënyrë që mishi të marinohet. Marrim shufra të holla metalike ose druri dhe fillojmë përgatitjen e shishqebapit.
Vendosim një copë mish dhe më pas një rreth qepë nga ato që që hodhëm për marinimin e mishit, më pas një copë mish tjetër, qepë e kështu me radhë.
Pasi të kemi përfunduar me përgatitjen e të gjithë mishit, i hedhim kripë e rigon dhe i pjekim në zgarë, mbi sobë ose në prush.
Duhet të jeni i kyçur në mënyrë që të mund të lini një koment Kyçu